වාහන ගන්න ඉන්න අයට නරක ආරංචියක්! වාහන මිල යළිත් ඉහළට, ඇතැම් වාහනවල මිල රුපියල් ලක්ෂ 45කින් වැඩි වෙලා...

වාහන අරන් පාරට බහින්න හීන බල බල හිටපු අයට මෙන්න හිතාගන්නවත් බැරි ආරංචියක් ලැබෙනවා. වාහන ආනයන බදු මත පනවා තිබුණු 50%ක අධිභාරය ලබන දෙසැම්බර් 31 වෙනිදා වෙනකම්ම දීර්ඝ කරන්න රජය තීරණය කරලා. මේ එක්ක ලංකාවේ වාහන මාකට් එකේ මිල ගණන් ආයෙමත් අහස උසට ගිහින් කියලා තමයි වාහන අලෙවි නියෝජිතයෝ කියන්නේ.
අපේ වාහන ආනයනකරුවන්ගෙන් කරපු විමසීම්වලදී දැනගන්න ලැබුණේ ජනප්‍රිය වාහන මාදිලිවල මිල ගණන් රුපියල් මිලියන 4.5ක් (ලක්ෂ 45ක්) දක්වාම ආයෙත් සැරටම ඉහළ ගිහින් තියෙන බවයි.
දැනට මිල වැඩිවෙලා තියෙන විදිහ මෙන්න.
Suzuki Wagon R: රුපියල් ලක්ෂ 5කින්
Toyota Raize: රුපියල් ලක්ෂ 8කින්
Toyota Yaris: රුපියල් ලක්ෂ 5කින්
Honda Vezel: රුපියල් ලක්ෂ 9කින්
BYD Atto 1 (EV): රුපියල් ලක්ෂ 10කින්

Double Cabs (ද්විත්ව කැබ්): රුපියල් ලක්ෂ 20 සිට 25 දක්වා
Toyota Prado: රුපියල් මිලියන 2.5කින්
Toyota Land Cruiser: රුපියල් මිලියන 4.5කින්
මේ ගැන අදහස් දක්වපු වාහන ආනයනකරුවන්ගේ සංගමයේ සභාපති ප්‍රසාද් මානගේ මහතා කිව්වේ, මැයි 15 වෙනිදාට කලින් ණයවර ලිපි ඕපන් කරපු වාහනවලට මේ අධිභාරය වැදුනේ නැති බවයි. මෙතෙක් කල් මාකට් එකට ඇවිත් ක්ලියර් වුණු වාහනවලින් 90%ක්ම අන්න ඒ පරණ ණයවර ලිපි යටතේ ආපු ඒවලු. හැබැයි මැයි 15න් පස්සේ LC ඕපන් කරපු වාහන අලුත් බදු ක්‍රමය යටතේ පෝට් එකෙන් ක්ලියර් වෙන්න පටන් ගත්ත ගමන්ම මෙන්න මෙහෙම මිල අහස උසට ගිහින් තියෙනවා.
තව ඉස්සරහට අලුත් බදු වදින වාහන තොග පිටින් මාකට් එකට එද්දී, වාහන මිල මෙයටත් වඩා දරුණු විදිහට ඉහළ යන්න පුළුවන් කියලා තමයි ආනයනකරුවන් තදින්ම අනතුරු අඟවන්නේ.
නිතර නිතර මෙහෙම අධිභාර පටව පටවා ඉන්නේ නැතුව, ස්ථාවර බදු ප්‍රතිපත්තියක් සහ LC නියාමනයක් ගෙනාවොත් විතරක් වාහන මාකට් එක ස්ථාවර කරන්න පුළුවන් වෙයි කියලා සංගමය වැඩිදුරටත් මතක් කර සිටිනවා.