සිද්ධිය වයඹ ජාතික අධ්යාපන විද්යාපීඨයේ දෙවන වසර සන්ජීවනී කුමාරි කියල සිසුවියක් ඊයේ සියදිවි නසාගෙන ජීවිතක්ෂයට පත් වෙනවා,
පහුගිය දවස් වල සබරේ සිසුවෙක් සියදිවි නසාගැනිමේ සිද්ධිය එක්ක නවකවදය සම්බන්ධයෙන් කතිකාවක් ඇති වුනා වගේම මේ සන්ජීවණිගෙ සියදිවි නසාගැනීමේ සිදුවිමේ පිටුපසත් ඇයට මානසිකව හිරිහැර කල බවට ඇයගේ පීඨයේ කතිකාචාර්ය වරයාට චෝදනා එල්ල වෙනවා..
කතාව මෙහෙමයි.
සන්ජීවනි කියන්නෙ වයඹ අධ්යාපන පීඨයේ 2022-2024 බැච් එකේ ඉගෙනගනිමින් හිටපු සිසුවියක්. ඇය ඊයෙ(23) සියදිවි නසාගන්නවා. හේතුවක් නිශ්චිතව මොකක්ද කියලා නොදන්නවා උනත් ඇයත් එක්ක ඉගෙන ගනිමින් ඉන්න මිතුරන් චෝදනා කරන්නෙ එයට ආසන්නතම හේතුව විද්යාපීඨය තුල පවතින කතිකාචාර්යවරුන්ගේ අමානුශික හැසිරීම කියලා.
සිසුවිය සියදිවි නසාගත් ඊයෙ දිනයෙත් ඇය ටීචින් ප්රැක්ටිස් ඉද්දි ඇයගෙ කතිකාචාර්යය වරයා ප්රසිද්ධියේ ඇයව අපහසුතාවයට පත්කරමින් ඉතා අමානුශික ලෙස කතා කරල තියෙනවා. එයට හේතු කිසිවක් නැ. මිතුරන් චෝදනා කරන විදිහට පීඨයේ කතිකාචාර්යවරුන්ගෙ සාමාන්ය හැසිරීම තමයි ඒ. ඔවුන් පීඨයෙ ඉගෙනගන්න අයට සලකන්නෙ ඒ විදිහට කියන එක.
මේ අතර පීඨය තුල පවතින අධික නීති සම්බන්ධයෙන් මේ වන විට චෝදනා එල්ල වෙලා තියෙනවා. කොටින්ම ඊයෙ සිසුවිය නේවාසිකාගාරය තුල සියදිවි නසාගත් අවස්ථාවේදි මිතුරන් දකිනවිට ඇයගෙ සිරුරේ ප්රාණය තිබු බවත්, එවන් හදිසි අවස්ථාවක පවා එලියට රැගෙන යන විට ලියුම් වල ලියා අවසර ලබාගැනිමට කටයුතු කරලා තියෙන බවටත් මිතුරන් චෝදනා කරනවා. සිසු සිසුවියන් වෙනුවෙන් පීඨය තුල ප්රවාහන පහසුකම් තිබුනත් ඇයව රැගෙන යන්න ඒවට ඉඩ දිල නැ. මාර්ගයේ ගමන්ගත් ත්රීවිල් රථයකට අත දාල ඇයව රොහල්ගත කලත් එ වනවිට ඇය මියැදිලා ඉවරයි. ඒවා බරපතල කාරණා.
මිතුරන් චෝදනා කරන විදිහට පීඨයේ කතිකාචාර්යවරුන් විසින් මේ සිදුකරන මානසික හිංසනය දිගින් දිගටම සිදුවීමෙ ප්රතිඵලයක් විදිහට තමයි සන්ජීවනි සියදිවි නසාගෙන තියෙන්නෙ. එයට ඇයගෙ මිතුරන් සාක්ෂි දරනවා. ඇය සාමාන්යයෙන් නිහඬ චරිතයක් බවත් ඇයට ඊයෙ දින සිදු වූ දේ දරාගැනීමට නොහැකිව මෙසේ ජීවිතය අවසන් කරගෙන ඇති බවත්, එයට යුක්තිය අවශ්ය බවත් මිතුරන් ඉල්ලා සිටිනවා.
මේ වෙද්දි පීඨයේ සිසු සිසුවියන් අඛණ්ඩ උද්ඝෝශණ ක්රියාමාර්ගයට ගිහින් තියෙනවා. සන්ජීවනිට යුක්තිය ඉල්ලනවා. ඒත් පීඨයේ පාලනාධිකාරිය උද්ඝෝශණය නොකරන ලෙසත්, පීඨාධිපති එන බැවින් පීඨය තුලට පැමිනෙන්න යැයි පවා කියල තියෙනවා. සිද්දිය යට ගහන්න හදන්නෙ ඒ විදිහට.
ඔය ඔක්කොම අතරෙ සාධාරණ සැකයක් එල්ල වෙනවා සන්ජීවනීගෙ මරණයට කතිකාචාර්යවරයෙකුගේ හැසිරීම සෘජුව බලපාන්නට ඇති බව. නමුත් නිශ්චිත සාක්ෂි ඒ වෙනුවෙන් දැනට නොමැති නිසා ඒවා චෝදනා පමණයි. නමුත් සන්ජීවනීට යුක්තිය අවශ්යයි. ඒ වෙනුවෙන් සාධාරණ පරීක්ෂණයක් අවශ්යයි. එමෙන්ම විද්යා පීඨ තුල පවා පවතින මෙවැනි ආකාරයෙ හිංසනයන් වහා නැවතිය යුතුයි!
මේ සම්බන්ධයෙන් ඉදිරියටත් කරුණු සහිතව ලියන්න බලාපොරොත්තු වෙනවා. මනුශ්ය ජීවිතයකට එහෙම නිකරුණෙ මැරිලා යන්න දෙන්න බැ. එහෙම මැරෙන ජීවිත වලට යුක්තිය අවශ්යයි. අපි ඒ වෙනුවෙන් පෙනි ඉන්නවා.
Post a Comment