මදුරුවන්ගේ ආසාදන ඉවත් කර මැලේරියා රෝග ව්යාප්තිය වැළැක්වීම සඳහා මදුරුවන්ට මැලේරියා ඖෂධ ලබා දිය යුතු බව ඇමෙරිකානු පර්යේෂකයෝ පවසති.
මැලේරියා පරපෝෂිතයන් හේතුවෙන්, වැඩි වශයෙන් ළමුන් ඇතුළුව වසරකට 600,000 කට ආසන්න පිරිසක්, මරණයට පත්වේ. මැලේරියා පරපෝෂිතයන් ව්යාප්ත වන්නේ ගැහැනු මදුරුවන් රුධිරය උරා බීමේදීය.
වර්තමාන ප්රයත්නයන්හි අරමුණ වන්නේ මැලේරියාව සුව කිරීමට වඩා කෘමිනාශක යොදා මදුරුවන් විනාශ කර දැමීමයි.
නමුත් හාවඩ් විශ්ව විද්යාලයේ කණ්ඩායමක් විසින් කෘමීන්ගේ පාද මගින් අවශෝෂණය කර ගැනීමෙන් මැලේරියාව සාර්ථකව ඉවත් කළ හැකි ඖෂධ ද්විත්වයක් සොයාගෙන තිබේ. මෙහි දිගු කාලීන අරමුණ වන්නේ, ඖෂධ මිශ්රණය ඇඳන් ආවරණය කරමින් යොදන මදුරු දැල්වල ගැල්වීම ය.
මදුරුවන්ගේ ලිංගික හැසිරීම පාලනය කිරීමෙන් ඩෙංගු ව්යාප්තිය අඩු වෙයි ද?
මැලේරියාව පතුරුවන ප්රධාන මදුරුවන් රාත්රියේදී දෂ්ට කරන බැවින්, මදුරු දැලක් දමා නිදා ගැනීම මැලේරියාව වැළැක්වීමේ වඩාත්ම සාර්ථක ක්රමවලින් එකකි.මැලේරියා අවදානම් සහිත ප්රදේශවල ජීවත් වන දරුවන් ඉන් ආරක්ෂා කිරීම සඳහා එන්නත් කිරීම ද නිර්දේශ කෙරේ.
මදුරු දැල් යනු භෞතික බාධකයක් වන අතර ඒවා මත වසන මදුරුවන් විනාශ කරන කෘමිනාශක ද එහි අඩංගු වේ.
නමුත් බොහෝ රටවල මදුරුවන් කෘමිනාශකවලට ප්රතිරෝධීතාවක් දක්වන බැවින් රසායනික ද්රව්ය යොදා ගැනීම තුළින් තවදුරටත් පෙර මෙන් ඵලදායී ලෙස මදුරුවන් විනාශ නොවේ.
"අපි මීට කලින් මදුරුවන් තුළ ඉන්න පරපෝෂිතයෝ සෘජුව ම මරා දමන්න උත්සාහ කරලා නැහැ, මොකද අපි කළේ මදුරුවා මරා දැමීම පමණයි," හාවඩ් හි පර්යේෂක ආචාර්ය ඇලෙක්සැන්ඩ්රා ප්රොබ්ස්ට් පවසයි.
කෙසේ වෙතත්, නව ප්රවේශය "තවදුරටත් එම උත්සාහය අත්හැරීමක් නොවේ" යැයි ඇය සඳහන් කරයි.
පිරිමි මදුරුවන් වන්ධ්යකරණයෙන් ඩෙංගු නැසීමේ උත්සාහයක්
පර්යේෂකයින් මැලේරියා DNA විශ්ලේෂණය කරනු ලැබුවේ, මැලේරියාව මදුරුවන්ට ආසාදනය කරන අතරතුර ඇති විය හැකි දුර්වල ස්ථාන සොයා ගැනීම සඳහාය.
ඔවුහූ විභව ඖෂධ නියැදියක් ගෙන එය ඖෂධ 22ක කෙටි ලැයිස්තුවකට සීමා කළහ. අනතුරුව ගැහැනු මදුරුවන්ට මැලේරියා පරපෝෂිතයින්ගේ දූෂිත වූ රුධිරය උරා බීමට සලස්වමින් මෙම ඖෂධ පරීක්ෂා කරන ලදී.
Nature සඟරාවේ පළ වූ ඔවුන්ගේ ලිපියේ, විද්යාඥයින් පරපෝෂිතයන්ගෙන් 100% ක්ම විනාශ කර දැමූ ඉතා ඵලදායී ඖෂධ දෙකක් ගැන විස්තර කරයි.
මදුරු දැල් වලට සමාන ද්රව්ය මත මෙම ඖෂධ පරීක්ෂා කරන ලදී.
"ඒ මදුරුවා මදුරු දැල් සමඟ ස්පර්ශ වීමෙන් දිවි බේරා ගත්තත්, ඔවුන් තුළ ඉන්න පරපෝෂිතයන් මරා දමනවා. ඒ නිසා ඔවුන් තවදුරටත් මැලේරියාව ව්යාප්ත කරන්නේ නැහැ," වෛද්ය ප්රොබ්ස්ට් පැවසීය.
"මම හිතන්නේ මේක ඇත්තටම උද්යෝගිමත් නව ප්රවේශයක්, මොකද මේක මදුරුවන්ව ම ඉලක්ක කරගන්න අලුත්ම ක්රමයක්."
මැලේරියා පරපෝෂිතයා ඖෂධවලට ප්රතිරෝධී වීමට ඇති ඉඩකඩ අඩු බව ඇය පවසයි.ආසාදිත සෑම පුද්ගලයෙකු තුළ ම මැලේරියා පරපෝෂිතයන් බිලියන ගණනක් සිටින නමුත් ආසාදන සෑම මදුරුවෙකුගෙන් ම පහෙන් එකකට අඩු වේ.
මෙම ඖෂධවල බලපෑම මදුරුදැල් මත වසරක් පුරා පවතින අතර, එය කෘමිනාශක සඳහා ලාභදායී සහ දිගුකාලීන විකල්පයක් බවට පත් කළ හැකි බව පර්යේෂකයෝ පවසති.
මෙම ප්රවේශය රසායනාගාරයේදී සනාථ කර ඇත. මැලේරියා මර්දන මදුරු දැල් සැබෑ ලෝකයේ ඵලදායී දැයි බැලීමට ඊළඟ අදියර ඉතියෝපියාවේදී අත්හදා බැලීමට දැනටමත් සැලසුම් කර ඇත.
මෙම ප්රවේශය සාර්ථකව ක්රියාත්මක වේදැයි දැන ගැනීම සඳහා වන සියලුම අධ්යයනයන් අවසන් වීමට අවම වශයෙන් තවත් වසර හයක් ගතවනු ඇත.
නමුත් දැක්ම වන්නේ මැලේරියා නාශක ඖෂධ සහ කෘමිනාශක යන දෙකම මදුරු දැල්මත ගැල්වීමයි. මේ යටතේ එක් ක්රමවේදයක් ක්රියාත්මක නොවන්නේ නම්, අනෙක් ක්රමය සාර්ථක වනු ඇත.
Post a Comment