හෙරොයින් ග්‍රෑම් 12 යි මිලිග්‍රෑම් 400ක් සන්තකයේ තබාගෙන සිටි සැකකාරියක් අත්අඩංගුවට ගෙන තිබෙනවා.මෙලෙස අත්අඩංගුවට ගෙන ඇත්තේ වයස අවුරුදු 18ක වේයන්ගොඩ ප්‍රදේශයේ පදිංචි තරුණියක් බවයි පොලිසිය සඳහන් කළේ.ඊයේ (18) සවස් කාලයේ දී,,
වේයන්ගොඩ පොලිස් වසමේ මාරපොළ ප්‍රදේශයේ දී වේයන්ගොඩ පොලිස් ස්ථානයේ නිලධාරීන් කණ්ඩායමක් සිදු කළ වැටලීමක දී මෙම සැකකාරිය අත්අඩංගුවට ගෙන ඇති බවයි වාර්තා වුණේ.
මෙම අත්අඩංගුවට ගැනීමේ දී පොලිස් නිලධාරීන්ගේ රාජකාරියට බාධා කර පුද්ගලයෙක් පළාගොස් ඇති බවයි වාර්තා වන්නේ.මෙලෙස පොලිස් නිලධාරීන්ගේ රාජකාරියට බාධා කර ඇත්තේ අත්අඩංගුවට ගැනුණු තරුණියගේ පෙම්වතා බවයි තොරතුරු වාර්තා වුණේ.
එම පුද්ගලයා විසින් කඩුවකින් පහරදීම හේතුවෙන් පොලිස් නිලධාරීන් දෙදෙනෙකු තුවාල ලබා ඇති බව පොලිසිය සඳහන් කළා.පළාගිය සැකකාර පෙම්වතා අත්අඩංගුවට ගැනීමට වේයන්ගොඩ පොලිසිය විමර්ශන සිදුකරනු ලබනවා.
Post a Comment