එල්. ටී. ටී. ඊ. සංවිධානය සමග ශ්‍රී ලංකාවේ පැවැති යුද්ධයෙන් මියගිය පුද්ගලයින් සිහිකරමින් කැනඩාවේ ඉදි කළ " දෙමළ ජන සංහාරක ස්මාරකය" නමින් හඳුන්වන ස්මාරකය පසුගියදා විවෘත කර තිබෙනවා.
මෙම ඉදිකිරීම විවෘත කෙරුණේ, ඒ සම්බන්ධයෙන් පසුගිය රජය අවස්ථා කිහිපයකදීම මෙරට පිහිටි කැනඩා මහ කොමසාරිස්වරයා කැඳවා සිය විරෝධය ද පළ කර තිබූ පසුබිමකයි. මෙය,
එල්.ටී.ටී.ඊ. සංවිධානය සමග ශ්‍රී ලංකාවේ පැවැති යුද්ධයෙන් මියගිය එල්.ටී.ටී.ඊ. සාමාජිකයින්ට ගෞරව කිරීම වෙනුවෙන් බව පවසමින් කැනඩාවේ, බ්‍රැම්ප්ටන්හි ඉදිකළ දෙමළ ජන සංහාරක ස්මාරකය නමින් හඳුන්වන ස්මාරකය පසුගිය සෙනසුරාදා විවෘත කර තිබෙනවා.
මීටර් 4.8ක මල නොබැඳෙන වානේ ව්‍යුහයක් වන මෙම ස්මාරකය 2024 වසරේ මුල් භාගයේදී බ්‍රැම්ප්ටන් නගර සභාව අනුමත කර තිබුණා.
මෙම විවෘත කිරීම පිළිබඳව, කැනඩාවේ අධිකරණ අමාත්‍ය ගැරී ආනන්දසංගරී X පණිවුඩයක් තබා තිබෙනවා. එහි දැක්වෙන්නේ, " ශ්‍රී ලංකා රජය දෙමළ ජනතාවට එරෙහිව කළ ජන සංහාරයේදී අහිමි වූ දහස් ගණනක් අහිංසක ජීවිතසඳහා ස්මාරකයක් ලෙස මෙම ස්මාරකය පවතී වී" යනුවෙන්. ඊනියා " දෙමළ ජන සංහාර ස්මාරකයක් " ඉදිකිරීම සඳහා මුල්ගල් තැබීම සම්බන්ධයෙන් ශ්‍රී ලංකාව මීට පෙර අවස්ථා කිහිපයකදීම මෙරට පිහිටි කැනඩා මහ කොමසාරිස්වරයා කැඳවා ඊට විරෝධය පළ කර තිබුණා.
එහෙත්, පසුගිය සෙනසුරාදා එම ස්මාරකය විවෘත කළේ එල්.ටී.ටී.ඊ. සංවිධානයේ බළල් අත් තවමත් පවතින බව පසක් කරමින්.
Post a Comment