ආරුගම් බොක්කෙහි දේශීය හා විදේශීය පුද්ගලයන් පොදු ස්ථානවල බිකිනි ඇඳීම තහනම් කරමින් නව නීතියක් හඳුන්වා දී ඇති බවට පළ වන වාර්තා පොලිසිය ප්රතික්ෂේප කරයි.
‘ආරුගම් බොක්කෙහි දේශීය ප්රජාවේ ජනතාව’ නම් පිරිසක් විසින් ප්රසිද්ධ කරන ලද සටහනකින් පසුව මෙම කාරණය මතභේදයට තුඩු දුන් අතර, එහි සඳහන් වූයේ ප්රදේශයේ බිකිනි ඇඳීම තහනම් කර ඇති බවයි.
“ආරුගම් බොක්ක වෙත සාදරයෙන් පිළිගනිමු! ඔබ මෙහි සිටීම ගැන අපි සතුටු වන අතර ඔබේ පැමිණීම සැබවින්ම අගය කරමු. අපගේ දේශීය සංස්කෘතියට ගරුකිරීම සඳහා, පොදු ස්ථානවල බිකිනි ඇඳීමෙන් වළකින ලෙස අපි කාරුණිකව ඉල්ලා සිටිමු. අපගේ සම්ප්රදායන් කෙරෙහි ඔබ දක්වන ගෞරවය අපගේ ප්රජාවට බොහෝ දේ වැදගත් වෙයි. ඔබේ අවබෝධයට ස්තූතියි, ඔබ සුන්දර ආරුගම් බොක්කෙහි ඔබේ කාලය භුක්තිවිඳිනු ඇතැයි අපි බලාපොරොත්තු වෙමු!” යනුවෙන් එම සටහනේ සඳහන් වේ.
කෙසේවෙතත්, ‘ඩේලි මිරර්’ පුවත්පත පොතුවිල් පොලිසියේ ස්ථානාධිපතිවරයා සම්බන්ධ කර ගත් විට, ඔහු එම ප්රකාශය ප්රතික්ෂේප කර ඇති අතර, එවැනි තහනමක් ක්රියාත්මක නොවන බව පවසා තිබේ.
මෙම සටහන කිසියම් පුද්ගලයකු විසින් බෙදාහැර ඇති බවත්, පරීක්ෂණයක් ආරම්භ කර ඇති බවත් ඔහු සඳහන් කර ඇත.
විශේෂයෙන් සර්ෆ් ක්රීඩකයන් සඳහා ආරුගම් බොක්ක ඉතා ජනප්රිය සංචාරක ගමනාන්තයකි.
එය, එහි සුන්දර වෙරළ තීරයන් සහ උස් රළ සඳහා ප්රසිද්ධය.
ආරුගම් බොක්ක යනු දේශීය හා විදේශීය අමුත්තන් දෙපිරිසටම අද්විතීය හා ආකර්ශනීය ස්ථානයකි.
Post a Comment