කොතලාවල ආරක්ෂක විශ්වවිද්යාලයේ වෛද්ය පීඨය සඳහා විදේශික සිසුන් සහ හමුදාවේ කැඩෙට් නිලධාරීන් පමණක් බඳවා ගැනීමට තීරණය කර තිබෙනවා.ආරක්ෂක නියෝජ්ය අමාත්ය,
විශ්රාමික මේජර් ජනරාල් අරුණ ජයසේකර මහතා මේ බව පවසා සිටියේ පසුගියදා (22) පාර්ලිමේන්තුවේදී අදහස් දක්වමිනි.
ඒ අනුව මේ දක්වා කොතලාවල ආරක්ෂක විශ්වවිද්යාලයෙන් සීමිත දේශීය සිසුන් පිරිසකට මුදල් ගෙවා වෛද්ය අධ්යාපනය හැදෑරීමට ලබාදී තිබුණු අවස්ථාව අත්හිටුවා ඇත.
“කොතලාවල විශ්වවිද්යාලයේ වෛද්ය පීඨයේ 2025 / 26 සඳහා ශිෂ්යයින් බඳවා ගැනීම සම්බන්ධයෙන් ප්රකාශයක් කරන්න තියෙනවා. ඒ සම්බන්ධව මම කෙටියෙන් දන්වන්නම්. 2025 මැයි 21 වනදා වනවිට කොතලාවල ආරක්ෂක විශ්වවිද්යාලයේ පාඨමාලා සඳහා ශිෂ්යයින් බඳවා ගැනීමට ප්රසිද්ධ දැන්වීමක් පළකරලා තියෙනවා. ඒ අනුව එහි වෛද්ය පීඨය සඳහා ශිෂ්යයින් බඳවා ගැනීම සම්බන්ධව වගන්තිවල නිවැරදි කිරීමක් කළ යුතුව තියෙනවා. ඒ අනුව වෛද්ය පීඨය සඳහා ශිෂ්යයින් බඳවා ගැනීම මෙවර විදේශීය ශිෂ්යයින් සහ කැඩෙට් නිලධාරීන් සඳහා පමණක් අවස්ථාව ලබාදීමට රජය තීරණය කරලා තියෙනවා කියන එක ප්රකාශ කරනවා”
Post a Comment