එංගලනයේ සිට කිලෝමීටර් 13157ක් බයිසිකල් පැදලා, මුහුදේ පීනලා, දුවලා, කඳු නැගලා නේපාල වලට ගිහිල්ලා, longest Climb of Everest ලෝක වාර්ථාවක් වෙනුවෙන් Everest නගින්න යන Mitchell Hutchcraft.
ගමන පටන් අරන් මේ යන්නේ ඔහුගේ 233 වෙනි දවස
මේකා පැය 18 ක්, කිලෝමීටර් 35 ක් එක දිගට පීනලා,
කිලෝමීටර් 12000 බයිසිකල් පැදලා, කිලෝමීටර් 900 ක් දුවලා,
කිලෝමීටර් 360ක් Trekking කරලා,
තමයි Everest Base Camp වලට ආවේ.
2024 සැප්තැම්බර් 15 වෙනිදා එංගලන්තයේ සිට එවරස්ට් මුදුන දක්වා ගමන ආරම්භ කල
Mitchell Hutchcraft මුහුද හරහා පීනා ගොස් බයිසිකල් පැදලා රටවල් 18 ක් හරහා ගිහිල්ලා, ඉන්දියාවේ ඉදලා නේපාල් වලට දුවලා ගිහිල්ලා මේ වෙනකොට Everest Base Camp දක්වා ඇවිල්ලා Everest Summit කරන වැඩ වල තමයි ඉන්නේ
මගේ භාෂාවෙන් කියනවා නම් මේකා පිම්සෙක්.සම්පුර්ණයෙන්ම මේ පිස්සු යකාගේ කතාව කියවන්නම ඕනි,
මනුස්සයෙක්ට කොහෙන්ද මේ වගේ ශාරිරික සහ මානසික ශක්තියක්. අමනුස්සයෙන් හරි දෙවියෙක් හරි වෙන්න බෑද මේකා.
Mitchell ට Everest ගැන මුලින්ම අයිඩ්යා එක ඇවිල්ලා තියෙන්නේ මේකගේ වයස අවුරුදු 6 දී, ආච්චි Everest ගැන දීපු පොතක් නිසා.
මේ හීණය හිතේ තියන් හිටපු මේකා අවුරුදු 16 දී සල්ලිත් එකතු කරන් කෝම හරි කිලිමන්ජාරෝ කන්ද නැගලා තියනවා.
ඒ වගේම වයස අවුරුදු 18 වෙද්දි Everest Base Camp ඇවිල්ලා තියනවා. එතකොට තමයි Everest ගැන භයක්, මේක කොච්චර ගේමක්ද කියලා දැනිලා තියෙන්නේ.
ඊට පස්සේ අවුරුදු 20 දී වගේ එක්සත් රාජධානියේ රාජකීය නාවික හමුදාවේ රාජකීය මැරීන් සෙබළකු ලෙස සේවයට බැදිලා තියනවා. ඔහු වසර හයක් මැරීන් භටයන් ලෙස ලොව පුරා සංචාරය කරලා, කඳුකරයේ සහ ආක්ටික් කලාපවල ඉදලා තියනවා.
මේ වගේ මිනිහෙක්ට කල නොහැකි දෙයක් කරන්න මේ සේවා කාලය ඔහුට රැකුලක් වෙන්න ඇති.
ඊට පස්සේ 2021 දී ඔහු නාවික හමුදාවෙන් ඉවත් වෙලා ඔහුගේ වික්‍රමාන්විත චාරිකා සහදා යොමු වෙලා තියනවා.
මුලින්ම අත්ලාන්තික් සාගරය හරහා ඔරු පැදලා තියනවා. යාලුවෝ තුන් දෙනෙක් එක්ක දිනකට පැය 12 ගානේ ඔරු පැදලා , සැතපුම් 3000 ක්, සති හතක් වගේ කාලයක් තුල යනවා. Everest වලට 12000 ක් දුර ගෙවලා යන අදහස ඇවිල්ලා තිබ්බේ මේකෙදි.
මේකා ඊලගට ඔහුගේ බයිසිකලයක් අරගෙන
ඇමරිකාව හරහා, ෆ්ලොරිඩාවේ සිට කැලිෆෝනියා දක්වා ගිහිල්ලා තියනවා
2023 දී Everest යන අධිෂ්ඨානයෙන් මේකා Job එකෙන් අයින් වෙලා Full Time Practice කරන්න පටන් අරන් තියනවා. මේකෙදි වැඩිපුර කරලා තියෙන්නේ පීනන එක සහ බයිසිකල් පදින එක.
Mitchell, 2024 සැප්තැම්බර් 15 තමයි Everest Summit කරන්න ගමන පිටත් වෙන්නේ. වැඩේ මුලින්ම පටන් අරන් තියෙන්නේ පැය 18 යි විනාඩි 19 විවිකයක් නොමැතිව කෙළින්ම පීනමින්.
Mitchell කියන්නේ මේකෙන් පස්සේ ගොඩබිමට අඩිය තියපු එක ජීවිතේට අමතක වෙන්නේ නෑ කියලා.
රෝගාබාධ නිසා සතියක විවේකයක් අරගෙන
ප්‍රංශයේ සිට යුරෝපය සහ ආසියාව හරහා නැගෙනහිර දෙසට රටවල් 18 ක් හරහා තම බයිසිකල් සවාරිය ආරම්භ කරලා කරලා තියනවා.
මේකා කියන්නේ මේ වගේ දේවල් කරන්න
95% මානසික,
5% ශාරීරික ශක්තිය බලපාන බවයි. වැඩිපුරම මානසික ශක්තිය තමයි.
ජනවාරි 29 බයිසිකල් සවාරිය අවසාන කරලා දවස් 5කට පස්සේ ඉන්දියාවේ බටහිර බෙංගාලයේ දීඝා වෙරළේ තීරයේ සිට නේපාලයේ කත්මන්ඩු දක්වා දිවීම ආරම්භ කළේය. මේකෙදි කිලෝමීටර් 900 ක් දිවිමට සිදු වුනා.
මේකෙදි Mitchell කියන්නේ ඔහුට අනපේක්ෂිත විදියට හමුවුන මිනිස්සු සහ ඔවුන්ගේ ආගන්තුක සත්කාර විශ්වාස කල නොහැකි බව.
මේකා කියන්නේ ලන්ඩන් වල හිටියට වඩා ආරක්ෂිත බවක් ඔහුට මැද පෙරදිගදී දැනුනු බවයි.
Hutchcraft මාර්තු 16 වෙනිදා නේපාලයේ අගනුවර වන කත්මන්ඩු සිට Everest Base Camp දක්වා කිලෝමීටර් 350ක ගමන ආරම්භ කලා.
ගෙදරින් පිටත් වෙලා දවස් 211 කට පස්සේ කිලෝමීටර් 13157 ක් ගෙවලා රටවල් 19 ක් හරහා ඇවිල්ලා April 16 වෙනිදා මේකා Everest Base Camp වලට ආවා.
April 16 ඉදන් අද වෙනකම් මේකා Everest වල Rotation යමින් Everest Normml Summit කරන Procedure එකේ යනවා.
මේකා Summit කරක්න බලාගෙන ඊයේ Everest Base Camo එකෙන් පිටත් වුනා.
මේකගේ ෂර්පා විදියට ඉන්නේ, සුපිරිම ඩයල් එකෙක් වුන Gelje ෂර්පා. මේකා Winter එකේ K2 නැගලා, Death Zone එකේ සේවාදායකයෙක් කරේ තියන් ඇවිල්ලා ජීවත බේර ගත්ත මනුස්සයෙක්. Rescue වලදි සුපිරිම ඩයල් එකක්.
කෝමහරි මේ ගමන සාර්ථක වුනොත් මේක Everest ඉතිහාසයේ හොදම එකක් වෙයි.
Post a Comment